Ən son yeniliklərdən xəbərdar olun!

ABV Akademiya Rəsmi Fəaliyyətə Başlayır

Xoşbəxtlik hissi ilə bildiririk ki, uzun illər ərzində təşkil etdiyimiz müxtəlif təlimləri, seminarları və maarifləndirici fəaliyyətləri daha da genişləndirərək artıq vahid çətir altında birləşdiririk — ABV Akademiyası rəsmi olaraq fəaliyyətə başlayır.

ABV Akademiya instalyatorlar, dilerlər, mühəndislər və bütün tərəfdaşlarımız üçün bilik və texnologiya paylaşım platformasıdır. Burada mütəxəssislər real praktiki təcrübə qazanır, yeni texnologiyalarla tanış olur və gündəlik işlərində tətbiq edə biləcəkləri faydalı biliklər əldə edirlər.

Ən önəmlisi isə, ABV Akademiya güclü bir peşəkar icma formalaşdırır. Bu icmanın bir parçası olan hər kəs təcrübə və bilik paylaşımından faydalanaraq öz peşəkarlığını inkişaf etdirmək imkanı qazanır.

ABV Akademiyada sizi nələr gözləyir?

• Peşəkarlar tərəfindən praktiki təlimlər və masterklasslar – məhsulların düzgün quraşdırılması və istifadəsi üzrə öyrədici sessiyalar
• Sertifikatlı proqramlar – beynəlxalq vendorlarla (TP-Link, Hikvision) əməkdaşlıq çərçivəsində rəsmi sənədlər və prestij qazandıran təlimlər
• Onlayn vebinarlar – interaktiv müzakirələr, canlı sual-cavab və bilik mübadiləsi
• Rəqəmsal kontent – sosial şəbəkələrdə qısa videolar, quraşdırma bələdçiləri və məhsul icmalları
• Regional seminarlar – Azərbaycanın müxtəlif bölgələrində yerli ustalar və tərəfdaşlarla görüşlər

Təlimlərdən və yeniliklərdən ilk xəbərdar olmaq, həmçinin Akademiya üzvlərinə təqdim olunan xüsusi imkanlardan faydalanmaq üçün ABV Akademiyasının rəsmi səhifəsinə və kanalına qoşulun.

Qrup linki: https://chat.whatsapp.com/F9EZIfUVtgf7HKt2mbWUZL

Qeyd: Qrupa qoşulmaq üçün rəsmi forma doldurulmalıdır. https://forms.gle/5HDSiB95VgkCjDDC9